Policia e Kosovës në raportin 24 orësh ka njoftuar për tri raste që kanë të bëjnë me hetim të vdekjeve.

Sipas policisë në Gllogoc, është gjetur pa shenja jete një person. Policia ka njoftuar se ka dal në vendin e ngjarjes derisa me vendim të prokurorit trupi i pajetë është dërguar në IML.

“Në vendin e ngjarjes kanë dalë njësitet përkatëse, ndërsa ekipi mjekësor ka konstatuar vdekjen e viktimës. Me vendim të prokurorit, trupi i pajetë është dërguar në IML për obduksion”, thuhet në njoftim.

Poashtu në fshatin Nerodime e Epërme, në Ferizaj raportohet se është gjetur pa shenja jete një person tjetër.

“Në vendin e ngjarjes kanë dalë njësitë përkatëse ndërsa ekipi mjekësor ka konstatuar vdekjen e viktimës. Lidhur me rastin është njoftuar prokurori”, thuhet në njoftim.

Edhe në rrugën “Enver Topalli”, në Ferizaj ankuesja ka raportuar se e ka gjetur pa shenja jete vëllain e saj.

Ekipi mjekësor ka konstatuar vdekjen e viktimës derisa për rastin është njoftuar edhe prokurori.