Tre lojtarë të Arsenalit mungojnë në stërvitje para ndeshjes në Ligën e Evropës
Lexohet për: 2 min.
13-Lojtare
2 vite më parë
Linku u kopjua

Tre lojtarë të Arsenalit nuk janë parë gjatë seancës së tyre të fundit stërvitore përpara ndeshjes në Ligën e Evropës të enjten.

Oleksandr Zinchenko, Martin Odegaard dhe Aaron Ramsdale munguan në stërvitje javën e kaluar para ndeshjes së tyre kundër Manchester United, dhe shumë tifozë të Arsenalit ishin të shqetësuar.

Fatmirësisht, të tre u kthyen nga lëndimi për të filluar ndeshjen nga minuta e parë, por tani probleme të reja janë paraqitur te Arsenali, ku tre lojtarë të tjerë munguan në stërvitje para ndeshjes me Zurichun nesër, përcjell KosovaPress.

Sipas gazetarit Dan George, Thomas Partey, Cedric Soares dhe Emile Smith Rowe nuk ishin të pranishëm gjatë seancës së tyre të fundit stërvitore sot.

Partey humbi ndeshjen e Arsenalit kundër Manchester United të dielën, kështu që nuk është çudi ta shohësh atë të mungojë në stërvitje, por Smith Rowe u inkuadrua në pjesën e dytë.

Megjithatë, u raportua se pas ndeshjes nga David Ornstein, se gjatë ngrohjes, Smith-Rowe pësoi një lëndim.

Asgjë nuk është raportuar për shkallën e dëmtimit, por tifozët e Arsenalit mund të jenë të shqetësuar kur dëgjojnë se anglezi mungonte në stërvitje para ndeshjes së tyre të parë të Ligës së Evropës.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2025