Ka përfunduar ndeshja e parë kualifikuese e Ballkanit në Ligën e Konferencës, ku kampioni i Kosovës nuk ka arritur më shumë se një barazim si vendas kundër skuadrës së Hamrunit.

Pas më shumë se 90 minutave lojë të zhvilluara në stadiumin “Zahir Pajaziti” të Podujevës, Ballkani ka barazuar pa gola, 0:0 me skuadrën e Hamrunit, raporton KosovaPress.

Po ashtu, Ballkani kishte një shans të artë për të kaluar në epërsi, por që mesfushori Lindon Emërllahu dështoi të shënonte nga penalltia në minutën e 20’.

Ndeshjen e parë si vendas Ballkani e mbyll me barazim, ndërsa ndeshja e kthimit do të zhvillohet më datën 30 të këtij muaji në “Tony Bezzina Stadium” të Paolas në Malta.