Lajm i keq për fansat e Rafael Nadal. Spanjolli ka anuluar pjesëmarrjen në Kupën e ardhshme të Laver në Berlin. “Jam shumë i zhgënjyer që duhet t'ju informoj se nuk do të jem në gjendje të marr pjesë në Laver Cup në Berlin javën e ardhshme. Për të mbështetur vërtet Team Europe, do të më duhej të jepja më të mirën, por në këtë moment ka lojtarë të tjerë që mund ta ndihmojnë ekipin të fitojë”, tha Nadal, duke shpjeguar dorëheqjen e tij në kanalin X të Laver Cup.

Nuk dihet nëse 38-vjeçari është i lënduar. Organizatorët kanë njoftuar tashmë një zëvendësim të tij. Grigor Dimitrov luan për Team Europe në vend të Nadalit. Bullgari aktualisht renditet i 10-ti në botë, përcjellë KosovaPress.