Të rinjtë gjithnjë e më shumë kanë qëndrime të së djathtës ekstreme u tha në konferencën rajonale “Luftimi i Ekstremizmit në Kosovë”. Pjesëmarrësit në panelin “E djathta ekstreme në Ballkanin Perëndimor: ndikimet rajonale dhe ndërlidhjet transnacionale”, kanë diskutuar edhe për një fenomen të dy viteve të fundit, ku sipas tyre po nxitet urrejtje në lojërat online. Kjo konferencë rajonale është organizuar nga Sbunker me mbështetje të Ambasadës së Mbretërisë së Holandës në Kosovë.
Bazuar në hulumtimin e Iniciativës Atlantike, Nejra Veljan tha se kanë vërejtur që të rinjtë gjithnjë e më shumë kanë qëndrime të së djathtës ekstreme.
Mirza Bulubashiç, i cili është ligjërues në Fakultetin e Drejtësisë Penale Kriminologjisë dhe Studimeve të Sigurisë në Sarajevë tha se në dy vitet e fundit është bërë fenomen urrejtja në lojëra online.
“Kemi parë edhe një fenomen shumë interesant në dy vitet e fundit, kemi parë që tani urrejtja po futet edhe në lojëra. Kemi parë që edhe lojërat online të cilat janë pa pagesë, që janë në dispozicion në hapësirën online, lojërat online që përpiqen që ta rishkruajnë historinë e luftërave që kanë ndodhur në Ish-Jugosllavi nga viti 91 deri në 2001, por edhe nga Lufta e Dytë Botërore. Rinia tani ka qasje të drejtpërdrejt në këto lojëra dhe këto lojëra luhen, mund të zgjedhësh që të jesh narcist, një njësi specifike në Gjermaninë naziste të Luftës së Dytë Botërore, apo mund të marrësh edhe njësi serbe në Srebrenicë ku është kryer gjenocidi”, deklaroi ai.“Kur një ushtar nga zona e Sanxhakut në Serbi lufton kundër forcave të Asadit në Siri dhe ai kapet nga gjyqësori, ai do të akuzohet për terrorizëm. Por nëse një serb kapet duke luftuar me forcat pro-ruse në Ukrainë, ky person do të akuzohej me nenin e Kodit Penal për pjesëmarrje në konflikte të huaja dhe akuzohet si luftëtar i huaj por jo si terrorist potencial. Këtë po e jap si shembull për ta bërë diferencën edhe kur flasim për ekstremizmin në Serbi, atmosfera e përgjithshme që qëllimisht është krijuar është që ekstremizmi është shumë i rrezikshëm dhe ka të bëjë me terrorizmin dhe pastaj lidhet edhe me islamin si fe”, përfundoi ajo.
Konferenca rajonale e cila organizohet në kuadër të projektit “Luftimi i ekstremizmit në Kosovë: prirjet, sfidat dhe kundër-masat” ka filluar diskutimet nga mëngjesi, ku është thënë se ento-nacionalizimi po përhapet edhe në Kosovë, sidomos në pjesën veriore të vendit./KosovaPress
