Të pamjaftueshme votat për ta hequr nga rendi i ditës Planin Rregullues për “Kalabrinë”
Lexohet për: 2 min.
2 vite më parë
Linku u kopjua
Tre përfaqësuesit e partive opozitare të kuvendit të komunës së Prishtinës, Gëzim Sveçla nga Vetëvendosje, Sami Boroci nga AKR, dhe Bahri Gashi nga AAK kanë propozuar që të hiqen nga rendi ditës Propozim vendimi për anulimin e vendimit për miratimin e Planit rregullues të hollësishëm për lagjen “Kalabria”, si dhe propozim-vendimi për anulimin e vendimet për miratimin e ndryshimit dhe plotësimit të pjesërishëm të bllokut urban “D2”, në kuadër të planit rregullues “Arbëria 3”.
Por që propozimet e tyre nuk morën shumicën e votave në këtë mbledhje të kuvendit, 21 vota për dhe 22 vota kundër, dhe kështu mbetët që këto pika të rendit të ditës të shqyrtohen sot në seancën e mbledhjes së kuvendit të komunës së Prishtinës.
Derisa banorët e lagjes “Kalabria” në Prishtinë po vazhdojnë të protestojnë para komunës që nga mëngjesi sotëm për kundërshtuar shfuqizimin e planit për lagjen e tyre.
Të njëjtit kishin protestuar ditë më parë edhe para objektit të Ministrisë së Mjedisit, Planifikimit Hapësinorë dhe Infrastrukturës (MMPHI). Ministri i kësaj të fundit, Liburn Aliu reagoi duke thënë se shqetësimet e banorëve do t’i trajtojnë me prioritet.
