Shefi i Grupit Parlamentar i Aleancës për Ardhmërinë e Kosovës, Besnik Tahiri, ka komentuar raportin e "Reporterëve Pa Kufij" ku Kosova ka shënuar regres për 19 vende.

Tahiri ka thënë se bazuar në të gjeturat e raportit, në rrezik është edhe demokracia zgjedhore.

"Ajo çfarë e bënë tejet shqetësuese luhatjen si dhe rënien e trendit të indeksit të lirisë së shtypit në Kosovë, është fakti që kur kjo ndodh në përfundim të mandatit të një qeverie, demokracia zgjedhore është në rrezik", ka thënë Tahiri.

Tahiri poashtu ka thënë se konstatimi se liria e medias kërcënohet nga rregullimi i politizuar është alarm për secilin që beson në demokraci.

“Kjo çështje nuk do të kalojë pa u kërkua llogari në Kuvend", tha ai.