Shefi i Grupit Parlamentar të Partisë Demokratike të Kosovës, Abelard Tahiri e konsideron të papranueshme qasjen e kryeministrit ndaj ndërkombëtarëve. Sipas tij, Albin Kurti po i sfidon Shtetet e Bashkuara të Amerikës në çështje të sigurisë, pikërisht siç tha ai, aty ku Kosova ka ndjeshmërinë më të madhe. Më tej, Tahiri e ka quajtur skandaloze edhe mesazhin e shefit të ekzekutivit për bandat kriminale në veri.

Shefi i deputetëve të PDK-së, Abelard Tahiri tha se tash e sa ditë Kosova është në ballinat të gazetave ndërkombëtare për eskalim të situatës.

Tutje, Tahiri ka theksuar se kryeministri po i përmend me emra bandat kriminale, por të njëjtit nuk janë në burg.

Sipas tij, kryeministri së bashku me agjencitë ligj-zbatuese duhet të ndërmarrë hapa për njerëzit që janë, duke e cenuar rendin dhe ligjin në veri.

Deputeti i PDK-së, Abelard Tahiri ka shtuar se nuk mund të ketë normalitet në parlamentar, derisa të ketë sanksione nga Shtetet e Bashkuara të Amerikës. /Sh.Pajaziti