Synimi i Interit dhe Tottenhamit, Albert Gudmundsson pranoi se ai mësoi për Genoan nga një kërkim i shpejtë në “Google” pak para fluturimit të tij për në Itali, dhe “flirtoi” me Premier Ligën përpara merkatos së verës.

Sulmuesi 26-vjeçar islandez iu bashkua skuadrës së Genoas nga AZ Alkmaar në janar të vitit 2022 në një marrëveshje me vlerë vetëm 1.5 milionë euro. Pas një fillimi paksa të ngadaltë, ai filloi të tregonte vetën dhe të shkëlqejë në skenën kryesore këtë sezon, raporton KosovaPress.

Gudmundsson ka shënuar 15 gola dhe ka dhënë katër asistime në 33 paraqitje këtë sezon, duke tërhequr vëmendjen e një numri klubesh më të mira në të gjithë Evropën, duke përfshirë Interin, Juventusin dhe Tottenhamin, duke krijuar një merkato emocionuese për yllin islandez.

Duke folur për “The Telegraph”, Gudmundsson fillimisht pranoi mungesën e njohurive të tij për Genoan para lëvizjes së tij në janar 2022.

“Nuk kisha shumë kohë për të bërë ndonjë kërkim për trajnerin ose klubin, kështu që bëra një kërkim të shpejtë në Google përpara se fluturimi im të nisej pas një ore”, tha Gudmundsson.

Sulmuesi 26-vjeçar islandez diskutoi sezonin e tij mbresëlënës në Serie A dhe rritjen gjatë dy viteve të fundit.

“Gjithmonë kam qenë duke pritur për momentin dhe këtë sezon ka dalë nga unë. Jam shumë i kënaqur me atë që kam parë deri më tani këtë sezon. Kam pasur edhe statistika të mira sezonin e kaluar në Serie B, dhe kjo më dha njëfarë besimi për këtë sezon. E dija se kam pasur gjithmonë cilësitë, finalizim të mirë, pasim të mirë në fazën finale. Tani ndjej se më në fund po del. Nuk jam i sigurt se çfarë e bëri të dalë, ndoshta vetëm mosha, pjekuria dhe njohja më e mirë e ligës”, tha Gudmundsson.

Së fundi, Gudmundsson foli për thashethemet e tregut të transferimeve dhe interesimin e tij në Premier Ligën angleze.

“Unë me të vërtetë dua ta testoj veten në nivelin më të lartë të mundshëm. Ndihem mirë këtu dhe ende nën kontratë këtu te Genoa dhe dua të përfundoj sezonin dhe të shoh se çfarë do të ndodhë, por padyshim si lojtar dhe si dikush që i pëlqen futbolli, kam ëndërruar të luaj në nivelin më të lartë. Gjithmonë, kjo është ambicia ime. Që kur isha fëmijë, gjithmonë kam menduar të luaj në Premier Ligë, kështu që padyshim që është diçka që dua ta provoj patjetër”, tha Gudmundsson.