Sulmi terrorist, Vrajolli: Rreziku më i madh që nga paslufta, u ndihmua nga qarqe serbe
Lexohet për: 2 min.
1 vit më parë
Linku u kopjua
Drejtori ekzekutiv në Qendrën Kosovare për Studime të Sigurisë (QKSS), Mentor Vrajolli, vlerëson se ngjarja e rëndë që ka ndodhur në fshatin Banjska të Zveçanit ku mbeti i vrarë një polic e u plagosën dy të tjerë, është më e rrezikshmja që ka pasur vendi që nga paslufta e tutje.
Në një intervistë për KosovaPress, Vrajolli thotë se ka qenë përgjegjësi e KFOR-it të ruajë atë pjesë të vendit.
Derisa thotë se e gjitha ishte organizim nga qarqe të ndryshme serbe, ai thekson se edhe qasja e butë ndaj Perëndimit karshi Serbisë ka ndikuar në këtë mes.
Ndonëse, Manastiri i Banjskës u distancua nga aktet e grupit që sulmuan në veri, Vrajolli thotë se një ndihmë në këtë organizim erdhi nga qarqet serbe.
“Kjo që ka ndodhur është ndihmuar nga shumë qarqe të ndryshme. Është çështje e PK-së t’i identifikojë se kush brenda Kosovës i ka mbështetur ato. Sipas të gjitha gjasave një ndihmë e madhe ka ardhur edhe nga ana tjetër e kufirit, në pjesën serbe të kufirit”, thotë Vrajolli.
Me publikimin e disa videove ku shihen terroristët serbë teksa ikin malit nga Manastiri i Banjskës, janë rritur zërat se KFOR-i mund të ketë qenë ndërmjetësues.
Lajmi i plotë në sistemin me parapagim...
E një gjë të tillë nuk e mohon drejtori i QKSS-së.
Vrajolli thotë se KFOR-i ka përgjegjësinë më të madhe në veri të vendit.
Sipas tij, qasja e Perëndimit ndaj Serbisë duhet të ndryshojë.
Ndryshe, në orët e para të mëngjesit të së 24 shtatorit është vrarë rreshteri i Policisë së Kosovës, Afrim Bunjaku, ndërsa polici tjetër Alban Rashiti dhe një tjetër kanë mbetur të plagosur. Ngjarja e rëndë ka ndodhur në fshatin Banjska të Zveçanit ku është sulmuar patrulla policore.
Kujtojmë se Policia e Kosovës ka gjetur arsenal armësh në Manastirin e Banjskës ku terroristët u strehuan.
Autoritetet në Kosovë kanë nxjerrë prova që implikojnë nënkryetarin e Listës Serbe, Milan Radojçiq si udhëheqës të këtij grupi terrorist. Radojiçiq është i sanksionuar edhe nga Shtetet e Bashkuara të Amerikës dhe Britania e Madhe.
