Pjesa e parë nuk dhuroi asnjë gol përkundër një sfide dinamike të zhvilluar ndërmjet Spanjës dhe Anglisë në ndeshjen finale të Kampionatit Evropian të futbollit, Euro 2024, por ndryshe pritet të jetë pjesa e dytë e cila tashmë ka filluar në Berlin.

Lojtarët cilësor si Yamal e Williams te Spanja, por as Bellingham e Kane te Spanja nuk arritën të tregohen të rrezikshëm për portën kundërshtare në 45 minutat e para, përcjellë KosovaPress.

Spanja synon ta rikthejë në shtëpi trofeun që i mungon që prej vitit 2012 kur mposhtën Italinë në finale të Kampionatit Evropian, ndërsa Anglia për të bërë historinë dhe për ta fituar për herë të parë.

Kjo është finalja e dytë rresht e Kampionatit Evropian për Anglinë, pasi në vitin 2020 pësuan në shtëpinë e tyre në ‘Wembley’ ndaj Italisë pas ekzekutimit të penalltive.