Në kuadër të Kupës së Kosovës në hendboll në konkurrencë të meshkujve, sot më 24 mars, do të zhvillohet ndeshja e parë çerekfinale mes Vëllaznimit dhe Rahovecit, me fillim nga ora 18:30, në Gjakovë.

Ndërkohë të mërkurën, zhvillohen takimet Kastrioti kundër Trepça si dhe Llapi kundër Besa. Derisa Prishtina e Vushtrria do të takohen të enjten nga ora 19:30.

Në konkurrencën e femrave, të mërkuren zhvillohen tri ndeshje, ku Ferizaj do të ndeshet kundër Besës në ora 17:00, si dhe Prishtina mes Samadrexha në ora 20:00  dhe Tereza kundër Shqiponja, me fillim nga ora 18:30.

Ndërkaq të enjten zhvillohet takimi në mes Ulpianës dhe Istogut, nga ora 17:00.

Të gjitha skuadrat synojnë të arrijnë në turneun final të Kupës, ndërsa shorti për këto ndeshje është tërhequr në ambientet e Federatës së Hendbollit të Kosovës.

KosovaPress