Dhjetëra qytetarë në Tiranë kanë dalë sot në sheshin “Skënderbej” për të mbështetur në mënyrë simbolike të moshuarën në Pejë, e cila u dhunua nga një infermiere e azilit ku qëndronte.

Qytetarët kanë lënë disa mesazhe të shkruara në pankarta për t’u solidarizuar me të moshuarën e dhunuar, por edhe për të shpërndarë mesazhe ndërgjegjësimi kundër dhunës.

“Të dua nënë”,  “Familja, pasuria jonë”, “Kërko falje, e nuk të falim dot” e “Stop Dhunës” ishin disa nga mesazhet e shkruara në shesh.

Ditën e djeshme u publikua një video në të cilën shfaqej infermierja Aurona Pelaj duke ushtruar dhunë ndaj një të moshuare në një shtëpi kujdesi për të moshuarit në Pejë.

E moshuara është nëna e dëshmorit Taulant Nura.

Policia e Kosovës ka konfirmuar se dy punonjëse të shtëpisë për të moshuarit  “Orenda” janë arrestuar, përfshirë edhe kujdestaren, Aurona Pelaj. Që të tri infermiereve iu është caktuar masa e paraburgimit prej një muaji.

Rasti tronditi thellë opinionin publik në Kosovë dhe Shqipëri, ku ishin të shumta mesazhet që dënonin dhunën dhe përcillnin dashuri për gjyshet dhe gjyshërit./ATSH/

https://kosovapress.com/%e2%80%8binfermieret-mbesin-ne-burg/

https://kosovapress.com/u-terhiqet-licenca-aurona-pelajt-dhe-tri-infermiereve-tjera/