Kandidati për deputet nga radhët e LDK-së, Mustaf Abazi ka bërë një zotim para qytetarëve llapjanë se do të sjellë investitorë të huaj në Kosovë.

“Zotohem se do të sjellë investitorë të huaj në Kosovë të cilët qeveria e tanishme i pengojë me procedura burokratike”, ka thënë Abazi në një nga tubimet elektorale.

Abazi është kandidati nga mërgata që po synon të marr një ulëse në Kuvendin e Kosovës. Deri më tani kandidatura e tij është duke u mirëpritur nga bashkëvendësit e tij.

“Pritje madhështore nga banorët e fshatrave Sfeçël e Obrançë. Fryma e fitores së LDK-së, u dëshmua edhe sonte, gjatë bashkëbisedimit me përkrahësit tanë, të cilëve u premtova përkushtimin tim për sjelljen e diasporës për investime në Kosovë”, shkruan Abazi në Facebook.

Përkrahje për Mustaf Abazin ka dhënë edhe Naim Dedushaj, kryetar i rrjetit të bizneseve të shqiptarëve në SHBA. Ai ka thënë se është vlerë e shtuar që një profesionist, biznesmeni i njohur si Abazi të bëhet pjesë e kësaj legjislature. Mustaf Abazi është kandidat i LDK-së nga mërgata me numër 76.

'Artikull i sponsorizuar - zgjedhjet 2025"