Barazimi 2-2 me Kroacinë i ka dhënë motiv shtesë trajneri të Shqipërisë Silvinjo. Përballja me kroatët në Hamburg ishte tejet pozitive, madje Shqipëria ka mundur edhe ta fitojë ndeshjen.

Pas përfundimit të ndeshjes, Silvinjo deklaroi para mediave se lojtarët e tij e kanë merituar fitoren ndaj Kroacisë, derisa ka dhënë një premtim për të gjithë shqiptarët.

“Kam biseduar me FSHF-në, duam të kënaqemi në evenimente të tilla. Dua t’i premtojë popullit shqiptar se do të luftojmë në çdo moment të lojës, për çdo top dhe çdo pikë. Sot meritonim fitoren, jam krenar me lojtarët dhe me popullin shqiptarë që ka festuar sot”, ka thënë Silvinjo.

Ndeshjen e radhës në grup Shqipëria e zhvillon kundër Spanjës.