Sigal Prishtina kalon në gjysmëfinale të Kupës së Kosovës
Sigal Prishtina ka siguruar biletën e tretë drejt gjysmëfinales së Kupës së Kosovës.
KB Prishtina e eliminoi sot KB Bashkimin, duke e mposhtur me rezultat bindës 82:67 (22:20, 23:17, 22:12, 15:18), raporton KosovaPress.
Prishtinasit e nisën më mirë ndeshjen, duke krijuar epërsi prej tetë pikësh, respektivisht 45:37 në pjesën e parë.
Bardhekaltrit vazhduan paraqitjen e mirë edhe në çerekun e tretë, në të cilin krijuan avantazh prej 10 pikësh, duke kryesuar 22:12.
Bashkimi arriti të këndellet në çerekun e katërt të ndeshjes, ku arriti ta kishte epërsinë për vete (18:15), por që nuk ishte e mjaftueshme për ta evituar humbjen.
Te prishtinasit u dalluan Lejson Zeqiri me 18 pikë, si dhe Derrick Wilson dhe Dardan Berisha me nga 13 pikë, kurse Curtis Jones me 24 pikë.
Me fitoren e sotme, Sigal Prishtina vazhdon në gjysmëfinale të Kupës së Kosovës, ku atje do të përballet me fituesin e çerekfinales së fundit mes Yllit dhe Ponte Prizrenit.
Rezultati final i ndeshjes, 82:67 në favor të Sigal Prishtinës.
