Ministria e Mbrojtjes ka njoftuar se 20 vatra zjarri janë mundur të shuhen në 24 orët e fundit nga forcat operacionale të Shqipërisë, ndërsa 2 vatra zjarri mbeten ende aktive.

Qendra Kombëtare Operacionale e Emergjencave Civile njofton se problematike është situata në fshatin Zogaj të Tropojës, ku terreni i vështirë ka penguar punën, duke bërë që zjarri i rënë në një sipërfaqe me shkurre dhe ferra të riaktivizohet.

Në vijim është edhe operacioni për shuarjen e zjarrit në fshatin Malecaj të Lezhës. 50 efektivë të Forcave të Armatosura janë bashkuar për të shmangur rrezikun ndaj shtëpive të fshatit./rtsh.al/