Policia e Kosovës sot ka arrestuar personin me inicialet D. F. (36) nën dyshimet se ka shtënë me armë zjarri në një aheng familjar në rrugën "2 korriku" në Shtime.

Policët te personi i arrestuar kanë gjetur dhe sekuestruar një pistoletë e cila dyshohet të jetë përdorur me këtë rast.

Rasti është cilësuar përdorim i armës apo mjetit të rrezikshëm dhe mbajtje në pronësi, kontroll, apo posedim i paautorizuar i armës.

Policia rajonale e Ferizajt fton qytetarët që çdo rast të kundërvajtjes ta raportojnë menjëherë në stacionin më të afërt të policisë, apo përmes aplikacionit digjital “Lajmëro Policinë” dhe në numrat kujdestarë: 192, 0290/326-250 dhe 0290/322-406. Të dhënat e tyre do të ruhen në konfidencialitet të plotë.