Për herë të parë në historinë e sportit, Shtëpia e Bardhë do të shndërrohet në një arenë luftimi.

CEO i UFC-së, Dana White, ka konfirmuar se eventi "Freedom Fights 250" do të mbahet më 14 qershor në anën jugore (South Lawn) të rezidencës presidenciale në Washington, D.C.

Sipas ESPN, ky aktivitet shënon një pikë kyqe në integrimin e sporteve luftarake në sferat më të larta të simbolikës kombëtare amerikane, duke e zhvendosur oktagonin nga dritat e Las Vegasit drejt një sfondi me rëndësi globale politike dhe ceremoniale.

Përballja kryesore për titullin e padiskutuar të peshave të lehta midis Ilia Topuria dhe Justin Gaethje do të zhvillohet nën hijen e Shtëpisë së Bardhë, një skenë që Dana White e ka cilësuar si kulmin e karrierës së tij si promotor.

Ky spektakël synon të bashkojë sportin me pompozitetin shtetëror, ku edhe pse mungojnë emra si McGregor apo Jones, rëndësia e lokacionit e bën këtë një nga ngjarjet më të përfolura.

KosovaPress