Italia u stërvit në mënyrë efektive pa disa mesfushorë sot në Gjermani përpara nisjes së Kampionatit Evropian Euro 2024, pasi Davide Frattesi, Nicolò Barella dhe Nicolò Fagioli janë të gjithë duke u rikuperuar nga lëndimet.

Kombëtarja e Italisë mbërriti në Dortmund mbrëmë dhe nisi stërvitjet në stadiumin Hemberg në Iserlohn pasditen e sotme, raporton KosovaPress.

Është sesioni i parë para nisjes së fazës grupore të turneut, i cili fillon me Shqipërinë më 15 qershor, vazhdon me Spanjën më 20 qershor dhe Kroacinë më 24 qershor.

Barella ka disa kohë që po lufton me një problem muskulor dhe ka munguar në të dyja ndeshjet miqësore përgatitore kundër Turqisë dhe Bosnjë-Hercegovinës. Ai po stërvitej veçmas nga pjesa tjetër e skuadrës, por të paktën ishte sot në fushë për herë të parë që nga e hëna e kaluar.

Fagioli ishte titullar kundër Bosnje-Hercegovinës, por në atë ndeshje pati një problem muskulor dhe sot punoi vetëm në palestër.

Frattesi shënoi golin e vetëm në atë ndeshje dhe fillimisht punoi me skuadrën, por më pas nuk mori pjesë në ndeshjen e radhës. Sipas raportimeve, kjo ishte vetëm një masë paraprake, vetëm katër ditë para ndeshjes hapëse të Italisë me Shqipërinë.