Shpërthimi i molotovëve, 10 policë të plagosur në protesten e opozitës në Shqipëri
10 policë janë plagosur deri më tani nga protesta e dhunshme e opozitës.
Protestuesit kanë hedhur molotov, lëndë piroteknike dhe sende të forta në drejtim të “bluve”.
Policia ka marrë masat për identifikimin, kapjen dhe shoqërimin e personave të përfshirë në sulmet mbi Policinë dhe institucionet shtetërore.
Sipas njoftimit të Policisë së Shtetit, shërbimet e Policisë janë të angazhuara maksimalisht për mbrojtjen e institucioneve shtetërore, pronën publike dhe private, jetën e qytetarëve dhe të vetë punonjësve të Policisë.
“Që prej fillimit të tubimit një pjesë e qytetarëve në tubim sulmuan e vijojnë te sulmojnë Policinë dhe godinat e institucioneve shtetërore me molotov e lëndë plasëse. Deri në këto momente nga sulmet e qytetarëve në tubim, me molotov, lëndë piroteknike e sende të forta ndaj Policisë, janë dëmtuar 10 punonjës Policie”, thuhet në njoftim.
Policia e Shtetit iu bën thirrje qytetarëve pjesëmarrës në tubim, të ndalojnë sulmet me molotov e lëndë piroteknike mbi Policinë dhe institucionet shtetërore.
Më tej thuhet se policia ka marrë të gjitha masat për identifikimin, kapjen dhe shoqërimin e personave të përfshirë në sulme mbi Policinë dhe institucionet shtetërore./Tch
