Shkencëtarët nga Universiteti i Aberdeen zbuluan se marrja e rekomanduar e dy litrave ujë në ditë është shpesh më shumë se sa njerëzit kanë nevojë.

Duke pasur parasysh se afërsisht gjysma e marrjes ditore të ujit vjen nga ushqimi, shkencëtarët vlerësojnë se njerëzve u nevojiten vetëm rreth 1.5 deri në 1.8 litra ujë në ditë, shkruan BBC.

Gjetjet e fundit u publikuan në revistën Science këtë javë. Hulumtimet e mëparshme mbi nevojat për ujë kanë përdorur anketa të mostrave të vogla të njerëzve.

"Përllogaritja origjinale e dy litrave ujë në ditë vjen nga një llogaritje e gabuar. Uji që duhet të pimë është diferenca midis ujit total që duhet të marrim dhe sasisë që marrim nga ushqimi. Mënyra se si ata e vlerësuan sasinë nga ushqimi ishte duke i pyetur njerëzit se sa hëngrën. Për shkak se njerëzit raportojnë më pak se sa hanë, ka një llogaritje të gabuar dhe kështu ju mbivlerësoni sasinë e ujit të nevojshëm," tha profesori John Speakman nga Universiteti i Aberdeen për Good Morning Scotland për radio BBC.

Por shkencëtarët tani kanë bashkëpunuar në mbarë botën për të matur marrjen e saktë të ujit duke përdorur teknikën e izotopit të qëndrueshëm. Ata anketuan 5604 njerëz nga 23 vende të ndryshme të moshës nga tetë ditë deri në 96-vjeç.

Hulumtimi përfshiu njerëzit që pinin një gotë ujë në të cilën disa nga molekulat e hidrogjenit u zëvendësuan me një izotop të qëndrueshëm të një elementi të quajtur deuterium.

Gjendet natyrshëm në trupin e njeriut dhe është krejtësisht i padëmshëm. Shkalla e eliminimit të deuteriumit të tepërt tregon se sa ujë qarkullon në trup.

Njerëzit me "qarkullim" më të lartë të ujit zakonisht duhet të pinë më shumë ujë. Hulumtimet kanë treguar se këtu përfshihen ata që jetojnë në mjedise të ngrohta dhe të lagështa dhe në lartësi të mëdha, si dhe atletët, por edhe gratë shtatzëna dhe ato në laktacion.

Konsumi i energjisë është faktori më i madh në marrjen e ujit. Vlerat më të larta janë shënuar te meshkujt e moshës 20 deri në 35 vjeç, qarkullimi ditor i ujit i të cilëve është mesatarisht 4,2 litra. Kjo u ul me moshën, mesatarisht 2.5 litra në ditë për meshkujt në të 90-at. Gratë e moshës 20 deri në 40 vjeç kishin një qarkullim mesatar prej 3.3 litrash, i cili gjithashtu ra në 2.5 litra në moshën 90-vjeçare.

Por qarkullimi i ujit nuk është saktësisht i barabartë me nevojën për ujë të pijshëm, tha profesor Spikman.

“Edhe nëse një burrë në të 20-at ka një qarkullim ditor prej 4.2 litra ujë, ai nuk ka nevojë të pijë 4.2 litra ujë çdo ditë. Rreth 15 për qind e kësaj vlere pasqyron qarkullimin e ujit sipërfaqësor dhe ujin e prodhuar nga metabolizmi. Sasia aktuale e kërkuar e ujit është rreth 3.6 litra në ditë. Meqenëse shumica e ushqimeve përmbajnë gjithashtu ujë, ne marrim një sasi të konsiderueshme uji vetëm duke ngrënë ushqim”.

Ai shtoi se ky studim tregon se rekomandimi që duhet të pimë tetë gota ujë në ditë është ndoshta i tepërt për shumicën e njerëzve në shumicën e situatave.

“E njëjta politikë për të gjithë, kur bëhet fjalë për marrjen e ujit, mbështetet nga të dhënat e këtij studimi”, tha profesori.

Ai gjithashtu tha se ky hulumtim paraqet një hap të madh përpara në parashikimin e nevojave të ardhshme për ujë.