Zyra e Departamentit të Thesarit të SHBA-së për Kontrollin e Pasurive të Huaja ka shtuar Industrinë e Naftës së Serbisë (NIS) në listën e sanksioneve të drejtuara kundër Gazprom Neft dhe Federatës Ruse.

Shtetet e Bashkuara kanë vendosur së fundmi disa nga sanksionet më të rrepta ndaj industrisë ruse të naftës deri më tani.

Sanksionet u vendosën kundër 180 anijeve, dhjetëra tregtarëve, dy kompanive të mëdha të naftës dhe disa drejtuesve në sektorin rus të naftës, thuhet në dokument. Vendime specifike u janë dërguar edhe autoriteteve serbe.

Gazprom Neft zotëron 50 për qind të Industrisë së Naftës të Serbisë (NIS), dhe Rusia përdor pjesën e saj të fitimeve të NIS për të financuar agresionin e saj brutal kundër Ukrainës dhe për të minuar stabilitetin në Evropë.

Presidenti serb Aleksandar Vuçiq njoftoi javën e kaluar se amerikanët së shpejti do të vendosin sanksione të drejtpërdrejta ndaj NIS.