Meta, kompania mëmë e Facebook dhe Instagram, është akuzuar se ka mashtruar publikun në lidhje me rreziqet e përdorimit të mediave sociale dhe për të kontribuar në një krizë të shëndetit mendor tek të rinjtë.
Pretendimet u bënë në një padi federale, e cila u njoftua nga dhjetëra shtete amerikane.Meta tha se ishte “i zhgënjyer”.
Në padi thuhej se Meta kishte thyer ligjet për mbrojtjen e konsumatorëve duke u përfshirë në sjellje "mashtruese".
"Kompanitë e mediave sociale, përfshirë Meta, kanë kontribuar në një krizë kombëtare të shëndetit mendor të të rinjve dhe ata duhet të mbajnë përgjegjësi," tha Prokurorja e Përgjithshme e Nju Jorkut Letitia James, një nga 32 prokuroret e përgjithshëm që nënshkruan padinë.
Një zëdhënës i Metës tha: "Ne ndajmë angazhimin e prokurorëve të përgjithshëm për t'u ofruar adoleshentëve përvoja të sigurta dhe pozitive në internet dhe kemi prezantuar tashmë mbi 30 mjete për të mbështetur adoleshentët dhe familjet e tyre.