“Serbia do të vazhdoi t'i dënojë zyrtarët policorë”
2-Second
Lexohet për: 2 min.
1 muaj më parë
Linku u kopjua
Njohësi i çështjeve të sigurisë, Nuredin Ibishi ka deklaruar se reagimi i qeveritarëve të Kosovës, por edhe i Bashkimit Evropian dhe i Shteteve të Bashkuar të Amerikës, duhet të jetë më i theksuar karshi Serbisë, pas rastit të fundit me ndalimin e zyrtarëve policorë të Kosovës, e po ashtu edhe pas maltretimit të qytetarëve të vendit tonë gjatë ditës së djeshme.
Ibishi për KosovaPress thotë se e gjithë kjo situatë ndodhi si shenjë hakmarrje pas votimit për anëtarësimin e Kosovës në Këshillin e Evropës, për çfarë thekson se Serbia nuk do të ndalet me këto veprime, porse nuk sheh ndonjë rrezik për vendin.
Sipas tij, gjitha këto janë shkelje e marrëveshjes të dakorduara në mes Kosovës dhe Serbisë.
Sa i përket qytetarëve që u ndaluan në Serbi me orë të tëra mbrëmë, ai thotë se ka ërnë vendim politik, pa infromacione të sakta.
Ibishi kërkon që Qeveria e Kosovës të kërkojë në mënyrë strikte ndalimin e këtyre masa ndaj qytetarëve të Kosovës që kalojnë kufirin, përfshirë edhe ata që kanë destinacionin e Serbisë, siç është rasti i zëvendës drejtorit të përgjithshëm të policisë, Jankoviq, për çfarë konsideron se është e padrejtë.
Në anën tjetër, gjatë ditës së sotme, në mbledhjen e Qeverisë, kryeministri Kurti ka bërë të ditur se janë ndaluar 10 zyrtarë policore, nëntë prej të cilëve janë liruar, porse ka thënë se zëvendësdrejtori i Policisë nga radhët e komunitetit serb, Dejan Jankoviq po vazhdon të mbahet në paraburgim në Rashkë.