Sekuestrohen 280 paketime me barna në një barnatore në Prizren
Lexohet për: 1 min.
1 vit më parë
Linku u kopjua
Policia e Kosovës ka sekuestruar të mërkurën 280 paketime me barna medicinale në Prizren me origjinë nga Serbia, Shqipëria dhe Turqia, në vlerë prej 3 mijë e 200 euro.
Njësia për Hetimin e Krimeve Ekonomike dhe Korrupsion në Prizren, pasi kanë pranuar një informatë se një barnatore në Prizren posedon barna pa banderola, informatën kanë filluar ta trajtojë në aspektin policor.
Policia e Kosovës njofton se bazuar në këto informata, janë kryer veprime hetimore, kurse sot së bashku me Inspektoratin Farmaceutik është kryer edhe inspektimi në ketë barnatore.
“Gjatë inspektimit farmacistja C.Y. (viti i lindjes 1991, femër kosovare), e cila njëkohësisht është edhe pronare e barnatores, nuk ka ofruar dëshmi për origjinën e një sasie të konsiderueshme të barnave, të cilat barna medicinale janë sekuestruar nga Inspektorati Farmaceutik. Sasia e barnave medicinale të sekuestruara është gjithsejtë 280 paketime të barnave të ndryshme medicinale, me origjinë nga Serbia, Shqipëria dhe Turqia, në vlerë prej 3200 (tre mijë e dyqind) euro”, thuhet në njoftim.
Me rekomandim të prokurorit kompetent, rasti vazhdon të hetohet në procedurë të rregullt.
