Policia e Kosovës ka konfiskuar 14 motoçikleta dhe ka shqiptuar rreth 42 gjoba për kundërvajtje të ndryshme në dy ditët e fundit në Prizren. Aksioni është ndërmarrë si pjesë e planit operativ policor kundër shkelësve të ligjit të trafikut. Policia e Kosovës me këtë rast u bën thirrje ngasësve të motoçikletave, mopedëve dhe trotineteve të respektojnë ligjin e trafikut rrugor - mjetet e tyre duhet të doganohen dhe regjistrohen, targat të vendosen në vendin e duhur, të kenë patentë shoferi, helmetën për siguri.