Sfidë për shoqërinë tonë në sektorin e energjisë, po vlerësohet të jetë zhvillimi i fuqisë punëtore. E për këtë çështje, MCC/MCA Kosovë, të martën ka lansuar projektin “Energji për Barazi”, aktivitet ky i cili synon fuqizimin e grave në sektorin e energjisë në Kosovë.

Ndërsa, krahas këtij projekti, gratë në sektorin e energjisë do të përfitojnë grande, mundësi punësimi, riaftësimi dhe ndihmë për avancim në karrierën e tyre.

Kryeshefja ekzekutive në MCA Kosovë, Florina Duli ka thënë për KosovaPress se kjo fuqi punëtore duhet të reflektoj përbërjen e shoqërisë sonë në këtë sektor.

Duli ka shtuar se grantet dhe aftësimi profesional, do të bëhen përmes ndihmës së kompanive që punësojnë gra, kompanive publike dhe private.

Për herë të parë në Strategjinë e Energjisë për vitin 2022-2031, do të ketë rritje në përqindjen e grave në sektorin e energjisë së paku deri në 25 për qind.