Dëshmitari i katërt në gjykimin ndaj ish-krerëve të ushtrisë Çlirimtare të Kosovës(UÇK) po vazhdon të dëgjohet në seancë të mbyllur. Ai po përgjigjet në pyetjet e Zyrës së Prokurorit të Specializuar(ZPS) për të dytën ditë me radhë.

Nën masa mbrojtëse, dhe në seancë private, dëshmitari i cili mban kodin 4748 e ka dhënë një pjesë të dëshmisë së tij edhe të mërkurën.

https://kosovapress.com/admin/perfundon-seanca-ndaj-thacit-dhe-te-tjereve-deshmitari-i-4-te-degjohet-ne-seance-private/

Njësoj ka ndodhur edhe me tre dëshmitarët e tjerë të prokurorisë në këtë proces gjyqësor, ku dëshmitë e tyre nuk po i dëgjon publiku.

Ndërsa para mbërritjes së tij në gjykatore, turpi gjykues ka rrëzuar kërkesën mbrojtjes së Jakup Krasniqit për përkthimin e shënimeve paraprake të ZPS-së.

Kryegjykatësi Charles L Smtih ka thënë se urdhri për kryerjen e procedurave nuk kërkon që prokuroria të jap përkthim të shënimeve përgatitore.

https://kosovapress.com/admin/mbrojtja-e-thacit-kerkon-kohe-per-diskutim-me-klientin-para-fillimit-te-kunderpyetjeve/

Pas kësaj, me kërkesë të ZPS-së, intervistimi i dëshmitarit të katërt ka vijuar i mbyllur për publikun.

Hashim Thaçi, Kadri Veseli, Rexhep Selimi e Jakup Krasniqi, për të cilët prokuroria pretendon se kanë kryer krime lufte, po marrin pjesë në sallën e gjyqit në Dhomat e Specializuara të Kosovës në Hagë.

https://kosovapress.com/admin/%E2%80%8Bish-kreret-e-uck-se-deklarohen-te-pafajshem/

Ata po gjykohen pas një procedure paraprake që ka zgjatur më shumë se dy vjet.

Gjatë krejt kësaj kohe, ish-presidenti Thaçi, ish-kryeparlamentarët Krasniqi dhe Veseli, si dhe ish-deputeti Selimi, po qëndrojnë në paraburgim në Hagë, ndërsa në paraqitjet e tyre para gjykatës ata janë deklaruar të pafajshëm.