Lojtarët e Sassuolos fituan ndaj Empolit me rezultat 4-3 në ndeshjen e xhiros së 13-të të Serie A.

Caputo solli në epërsi Empolin në minutën e 3-të nga goditja e dënimit, më pas Sassuolo kaloi në epërsi me golat e Pinamonti (9) dhe Matheus Henrique (20), dhe Fazzini (25) shënoi për 2-2 në pjesën e parë.

Berardi solli në avantazh Sassuolon nga goditja e dënimit (66), Kovalenko barazoi në 3-3 në minutën e 86-të dhe Berardi siguroi të tri pikët për mysafirët me golin e dytë në minutën e dytë të kohës shtesë.

Dramatike ka qenë edhe ndeshja mes Frosinones dhe Genoas, në të cilën vendasit fituan 2-1. Soule (34) shënoi golin e epërsisë për Frosinone, ndërsa katër minuta më vonë Malinovski (38) barazoi. Fitoren për Frosinonen e solli Monterisi me gol në minutën e katërt të shtesës (90+4).

Në ndeshjen e parë të programit të së dielës, lojtarët e Cagliarit luajtën 1-1 ndaj Monzas në fushën e tyre. Cagliari kaloi në epërsi me golin e Alberto Dosena në minutën e 10-të dhe barazoi në minutën e 61-të ish-lojtari i Lokomotivës dhe Osjekut, Mirko Mariq.

Sonte zhvillohen edhe Roma – Udinese në orën 18:00 dhe derbi në të cilin Juventusi i vendit të dytë pret Interin kryesues nga ora 20.45.