Sampdoria do ta nderojë Eriksson në Marassi
Trajneri legjendar Sven Goran Eriksson po e vazhdon turin e klubeve që ai ka stërvitur dhe do të nderohet nga ish-lojtarët në Sampdoria në ndeshjen kundër Reggianas të dielën më 5 maj.
Eriksson ka marrë së fundmi dashuri të madhe nga tifozët e futbollit pasi njoftoi diagnozën e tij me kancer dhe gjatë javëve të fundit ka bërë disa ëndrra realitet, raporton KosovaPress.
Kjo përfshinte uljen në stolin e Liverpoolit në “Anfield Road” për një ndeshje miqësore bamirësie, si dhe vizitën e terreneve të vjetra si Gothenborg dhe Benfica.
Trajneri suedez do të jetë në Itali të dielën në Marassi për ndeshjen e Sampdorias në Serie B kundër Reggiana.
Eriksson fitoi Kupën e Italisë me Sampdorian në vitin 1994 dhe qëndroi atje për një periudhë pesëvjeçare nga viti 1992 deri në 1997.
Nuk ishte eksperienca e tij e vetme në Serie A, duke punuar edhe te Roma, Fiorentina dhe Lazio.
Dhjetëra lojtarë me të cilët ka punuar në Sampdoria do të jenë gjithashtu të pranishëm këtë fundjavë për të nderuar Eriksson dhe për t'i dhënë atij një kujtim para ndeshjes.
