Qeveria e Kosovës ka marr vendim që nga muaji tetor t’i rris pensionet për 20 për qind për disa kategori të pensionistëve, e nga muaji janar i vitit 2025 pensionet për 20% do të rriten edhe për personat që përfshihen në Ligjin për Kategoritë e luftës.

Kështu ka bërë të ditur kryeministri i Kosovës, Albin Kurti në  një konferencë për media ku shtoi se në muajin e ardhshëm Qeveria e Kosovës do ta votoj edhe buxhetin për vitin 2025.  

Kreu i ekzekutivit kosovar tregoi se me ndryshimet që duhet të bëhen në tabelat që janë pjesë e ligjit për kategoritë e luftës familjet  e dëshmorëve të UÇK-së dhe të zhdukurve të UÇK-së që kanë më shumë se 1 dëshmorë apo të zhdukur do të ndryshohet edhe forma e pensionit duke e rritur për 50% të pensionit bazë.

Ministri i Financave, Punës dhe Transfereve, Hekruan Murati, tha se kjo rritja e pensioneve parashihet të jetë në shumën e 100 milionë euro shtesë për tërë vitin fiskal.

I pyetur nëse do të ketë rritje të pagave për mësimdhënësit dhe policët e Kosovë, kryeministri i Kosovës, Albin Kurti tha se pagat në sektorin publik janë rritur vitin e kaluar, ndërsa shtoi se mandatin e ardhshëm do të ta bëjnë reformën pensionale.

Kurti theksoi se kjo rritje po bëhet këtë muaj pasi janë duke shkruar edhe buxhetin për vitin 2025, i cili muajin e ardhshëm do të votohet nga Qeveria e Kosovës.

E ministri i Financave, Hekuran Murati teksa ka folur për Kontratën Kolektive për çka tha se janë bërë në mënyrë të kundërligjshme, theksoi se si qeveria kanë ofruar ndihmë por komunat, por sipas  nuk e kanë shfrytëzuar këtë mundësi.

Ministria e Punëve të Brendshme ka ndryshuar masën e sigurisë ndaj produkteve që hyjnë nga Serbia përmes pikës kufitare Merdare, këtë e ka konfirmuar kryeministri Albin Kurti.

https://kosovapress.com/bajrami-rritja-e-pensioneve-tentative-me-ble-vota

https://kosovapress.com/qeveria-ndryshon-masen-e-sigurise-ndaj-produkteve-serbe

https://kosovapress.com/ngritja-e-pensioneve-kjo-eshte-shuma-qe-do-te-marrin-pensionistet-foto