Rrëmbehen prindërit e yllit të Liverpoolit • KosovaPress

Biznes

Intervista

Kolgeci merr drejtimin e Federatës së Hendbollit, zbulon objektivat për këtë sport

Lajme

Moti për pesë ditët e ardhshme

Rajoni

Çmimet e larta në Maqedoni të Veriut, tregtarët fajësojnë prodhuesit dhe distributorët

Rrëmbehen prindërit e yllit të Liverpoolit

Lexohet për: 2 min.

1 vit më parë

Linku u kopjua

Për orë të tëra po mbretëron frika dhe makthi në shtëpinë e Luis Diaz, futbollistit 26-vjeçar të Liverpool.

Prindërit e sulmuesit janë rrëmbyer në qytetin Barrancas, në rajonin La Guajira të Kolumbisë. Gjithçka ka ndodhur në një servis nga katër kriminelë të armatosur me motoçikleta. Policia ka ndërhyrë menjëherë dhe ka liruar nënën e ish- lojtarit të Portos falë postblloqeve të shumta të ngritura në zonë ndërkohë që babai është ende në prangat e kriminelëve, zyrtarisht i zhdukur.

Skena e rrëmbimit ishte lagjja ku lindi dhe u rrit futbollisti, ndërkohë që klubi anglez i ka dhënë mbështetje të plotë lojtarit, përcjellë KosovaPress.

"Shpresojmë që çështja të zgjidhet sa më shpejtë”, thuhët në reagimin e Liverpoolit.

Luis Diaz, i blerë nga anglezët në merkaton e dimrit të vitit 2022, veshi fanellën e Barranquilla-s në atdheun e tij përpara se të transferohej në Atlético Junior, gjithashtu në Kolumbi, dhe më pas në Porto, ku Luis Diaz bëri hapin e madh të karrierës së tij.

Diaz po e ndjek të gjithë aferën nga distanca, në kontakt të vazhdueshëm me Ëilliam Salamanca, gjeneralin e policisë që po koordinon operacionet e shpëtimit.

Ajo që po ndodh me Luis Diaz padyshim ka pasur pasoja edhe në Liverpool. Kolumbiani nuk u ftua për ndeshjen e pasdites kundër Nottingham Forest.

Liverpool Diaz

Klikoni këtu nëse dëshironi t'i lexoni lajmet e fundit dhe të përzgjedhura në kanalin tonë zyrtar në Viber.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.