Rizvanolli raporton në Komision për Ekonomi, Shala: Investim kapital në industri nuk kam parë
Lexohet për: 2 min.
10 muaj më parë
Linku u kopjua
Ministrja e ministrisë së Ekonomisë, Artane Rizvanolli, ka deklaruar se si ministri kanë ndërmarrë një serë masash për t’i dalë në ndihmë qytetarëve në përballje me krizën energjetike.
Gjatë raportimit të saj në Komisionin për Ekonomi, Industri, Ndërmarrësi dhe Tregti lidhur me realizimin e projekteve të ministrisë për vitin 2023 dhe planet e ministrisë për vitin 2025, theksoi se ka pasur rreth 25 mijë aplikime për masa të ndryshme për pajisje efiçiente, ndërsa ka shtuar se kërkesa më e madhe ka qenë për pajisje efiçiente të ngrohjes.
Madje, siç tha ajo, komisionet e ekonomisë kanë punuar edhe gjatë fundjavës për të arritur që në kohë sa më të shpejtë t’i shqyrtojnë aplikimet dhe të japin përgjigje për disburism.
Rizvanolli po ashtu ka thënë se këtë vit do të vendosin edhe matësit e erës.
Ndërsa, akuza pas raportimit të ministres Rizvanolli pati kryetari i këtij komisioni, Ferat Shala, i cili tha se në industri, prodhim e ndërtimtari nuk ka investime kapitale.
Për këtë, Rizvanolli ka thënë se investimet e mëdha kapitale nuk mund të realizohen brenda natës, porse duhet kohë për këtë.
Ndërsa, ka akuzuar opozitën për mos votim të marrëveshjeve ndërkombëtare, për çfarë tha se shkak i tyre edhe janë zvarritur investimet kapitale.
