Ministrja e Ekonomisë, Artane Rizvanolli, ka deklaruar se është ulur kërkesa për energji elektrike nga ana e amvisërisë, ndërsa është rritur konsumi nga ana e bizneseve, për të cilën vlerësoi se e gjithë kjo reflekton në rritjen e aktivitetit ekonomik.

Gjatë raportimit të saj në komisionin për Ekonomi lidhur me realizimin e projekteve të ministrisë për vitin 2023 dhe planin e punës për vitin 2024, ajo ka thënë se në bazë të kontrolleve në terren që ka kryer KEDS-i vitin e kaluar, janë identifikuar një numër i madh i vjedhjeve të energjisë elektrike.

Duke folur për konsumin me energji elektrike, Rizvanolli ka thënë se po vidhen edhe konsumatorët tjerë që e paguajnë atë.

Sa i përket uljes së konsumit të energjisë, kryetari i këtij komisioni nga Partia Demokratike e Kosovës (PDK), Ferat Shala ka thënë se kjo lidhet me numrin e madh të qytetarëve të migruar përgjatë dy viteve të fundit.

Deklaratën e deputetit Shala e ka kundërshtuar, ministrja Rizvanolli, e cila tha se edhe po të përfshihen ata që e kanë konsumin zero, ka një ulje prej 7 për qind vetëm brenda dy viteve në sektorin e energjisë.

Ajo gjatë raportimit në Komisionin për Ekonomi, mes tjerash ka thënë se tek kompania “Iber Lepeci”, është një ndërmarrje që ndër vite ka pasur humbje rreth 2 apo 3 milionë euro, për çfarë tha se për herë të parë pas vitit 2008 ka pas fitim gjatë vitit të kaluar.

Lajmi i plotë në sistemin me parapagim...