Rikthimi në Superligë dhe objektivat e mëdha të Ferizajt • KosovaPress

Biznes

Intervista

Protestat në Serbi, Videnoviq: Kaq masive s’janë parë që nga përmbysja e Millosheviqit

Lajme

Tre të lënduar në “Arbër Xhaferi”

Rajoni

Kosova prioritet kombëtar për Shqipërinë

Rikthimi në Superligë dhe objektivat e mëdha të Ferizajt

Lexohet për: 2 min.

5 muaj më parë

Linku u kopjua

Pas vetëm një sezoni në Ligën e Parë, Ferizaj është rikthyer në elitën e futbollit kosovar, në Superligë, aty ku tani futet me synime të mëdha nën drejtimin e trajnerit, Arsim Abazi.

Duke folur për KosovaPress, Abazi ka thënë se Ferizaj nuk e kishte merituar rënien në Ligën e Parë sepse kualitete e kësaj skuadre janë shumë të mëdha.

“Ne kemi filluar të përgatitemi sepse e dimë tani që Superliga na pret me ndeshje shumë të forta dhe do të përgatitemi maksimalisht për ato ndeshje. Jemi të kompletuar me ekipin, kemi 26 lojtarë në stërvitje dhe po përgatitemi maksimalisht që të jemi sa më të gatshëm për kampionatin...Ne nuk e kemi merituar vitin e kaluar rënien nga Superliga, kemi qenë një ndër ekipet më të mira që kemi bërë lojë dhe rezultate shumë të mira, sidomos në gjysmësezonin e dytë...Nuk është Ferizaj për të garuar në Ligën e Parë dhe jemi mobilizuar maksimalisht që sa më shpejtë të kthehemi dhe shumë shpejtë jemi rikthyer”, tha Abazi.

Ai shton se në sezonin e ri, Ferizaj synon qëndrimin në Superligë.

“Është herët të flasim, të shohim, t’ia fillojmë kampionatit dhe pastaj të shohim se si po shkon, por dihet që objektivi kryesor i Ferizajt është që të jetë në Superligë, pastaj për të tjerat të shohim”, tha Abazi.

Për kapitenin e skuadrës, Edon Sadriu, gara në Superligë do të jetë jashtëzakonisht e vështirë.

“Është e vërtetë, Ferizaj është për Superligë, nuk është për Ligën e Parë dhe shpresojmë që të paraqitemi sa më shumë denjësisht në Superligë...Do të jetë me e vështirë sepse çdo ekip ka kualitetet e veta dhe shpresojmë që të paraqitemi sa më mirë dhe ta tregojmë fytyrën e vërtetë të Ferizajt”, theksoi Sadriu.

Ndërsa, njëri nga futbollistët më të mirë të skuadrës, Betim Haxhimusa shprehet i bindur se Ferizaj do të luftojë për kreun e tabelës së Superligës.

Ndryshe, edicioni i ri i Superligës së Kosovës në futboll do të startojë më datën 10 gusht.

Ferizaj Liga e Pare Superliga e Kosoves Arsim Abazi Klubi futbollistik

Klikoni këtu nëse dëshironi t'i lexoni lajmet e fundit dhe të përzgjedhura në kanalin tonë zyrtar në Viber.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.