Rezultate befasuese në ndeshjet e Kupës së Shqipërisë
![]()
Janë zhvilluar pasditen e sotme gjashtë sfida të vlefshme për fazë 1/16 të Kupës së Shqipërisë, në të cilat Tirana dhe Egnatia kanë shënu fitore bindëse 0-3 përkatësisht në Koplik dhe Peqin, duke hipotekuar kualifikimin në turin tjetër.
Bardheblutë shënuan me Hilën e Berishën në pjesën e parë dhe vulosën suksesin me Limajn, që ekzekutoi saktë një penallti, teksa sfida e kthimit do të jetë vetëm një formalitet për kryeqytetasit.
Nga ana tjetër, në Peqin Egnatia shënoi dy herë me Bambam, nga një gol për çdo pjesë dhe më pas me Camajn, duke fituar 0-3 në derbi dhe duke hipotekuar kualifikimin që në sfidën e parë.
Me rezultatin minimal 0-1 triumfoi edhe dinamo në Sarandë përballë Butrintit, duke hedhur një hap drejt kualifikimit, që gjithsesi do të vendoset në sfidën e kthimit në kryeqytet.
Zhgënjen Partizani, që nuk shkoi dot përtej barazimit pa gola ndaj Orikut në shtëpi, ndërsa Lushnja mposhti 2-0 Tërbunin, ndërsa Burreli triumfoi 2-1 ndaj Tomorit të Beratit.
Këto ishin rezultatet e të gjitha ndeshjeve:
Butrinti Sarandë-Dinamo Tirana 0-1
Burreli-Tumori Berat 2-1
Koplik-Tirana 0-3
Lushnja-Terbuni 2-0
Partizani-Oriku 0-0
Shkumbini-Egnatia 0-3
