Kryeministri i vendit, Albin Kurti është regjistruar sot në kuadër të procesit të regjistrimit të popullsisë, ekonomive familjare dhe banesave.

Zyra e Kryeministrit njofton se, Kurti e ka quajtur këtë proces të lehtë, të thjeshtë dhe të shpejtë, dhe të rëndësishëm saqë vendimtar për dekadën e ardhshme të politikave të shtetit dhe progresit shoqëror.

Me këtë rast, kryeministri Kurti u bëri thirrje të gjithë qytetarëve që të regjistrohen. Procesi i regjistrimit ka filluar me 5 prill dhe vazhdon deri më 17 maj. Afër 900 mijë qytetarë në Kosovë janë regjistruar deri më tani në kuadër të regjistrimit të popullsisë nga Agjencia e Statistikave të Kosovës.