Vetëm kur ministrit Murati nuk i pëlqen lajmi thotë se është “Fake news”.
Agjencia e Lajmeve KosovaPress reagon ndaj tentimeve të ministrit të Financave, Hekuran Murati për ta quajtur si lajm të pa vërtetë, raportin e publikuar sot (e diel) nga ne me titull “Alarmante, zvogëlohet numri i të punësuarve në Kosovë me rreth 30 mijë në vitin 2023” , lajm ky i cili është bazuar në statistikat e publikuara nga Agjencia e Statistikave të Kosovës( ASK).Megjithatë, nëse statistikat e ASK-së që është institucion nën ombrell të Zyrës së Kryeministrit, të cilat i kemi publikuar ne, nuk janë në përputhje me statistikat e Administratës Tatimore të Kosovës, siç pretendon ministri, atëherë është problemi i këtyre institucioneve që nuk koordinohen në mes vete.
Ndonëse duhet theksuar se në statistikat e ASK-së të publikuara, thuhet se burim kanë ATK-në.Edhe të dhënat në Trustin Pensional, tregojnë mbi atë që ka tkurrje të punësimit.
Madje, në Trsutin Pensional të dhënat për rënien e punësimit janë edhe më të theksuara marrë parasysh TM4 2022 me TM1 2023.
Lajmet e rreme nuk kalojnë!
Përndryshe, informata e saktë sipas raportit të fundit të ATK-së është se, për muajin prill 2023 janë të deklaruar 395,166 të punësuar, apo rreth 7 mijë më shumë sesa TM1 2022 - nëse duam t’i krahasojmë indikatorët ashtu si duhet.
Më poshtë gjeni lajmin e publikuar në KosovaPress, si dhe në media tjera: