Kryetari i kryeqytetit, Përparim Rama i ka dhuruar sot mirënjohje kameramanit, Sylejman Kllokoqi, i cili filmoi masakrën e Reçakut dhe i tregoi botës për tmerrin e 15 janarit 1999. Në atë kohë Kllokoqi ishte kameraman në agjencinë e lajmeve ‘Associated Press’.

Kryetari Rama tha se ka nderin t’i ndan mirënjohje kameramanit Kllokoqi për punën që ai ka bërë gjatë luftës së fundit në Kosovë.

Sylejman Kllokoqi shtoi se është hera e parë që merr një shpërblim nga institucionet e Kosovës. E  këtë mirënjohje ai e quajti ‘si çmim Oscar’.

Në fund kryetari i Prishtinës, Rama falënderoi edhe ‘Associated Press’ që në atë kohë ka publikuar lajme për luftën në Kosovë./A. Shala