Kryeministri i Shqipërisë, Edi Rama ka këshilluar homologun e tij nga Kosova Albin Kurti për të dalë nga kurthi i lojës “macja me miun” me Serbinë. Duke folur nga tryeza ndërkombëtare në Prishtinë për 25 vjetorin e çlirimit të Kosovës, kreu i ekzekutivit, Edi Rama tha se Prishtina rrezikon të mbetet pa miq nëse përdor politikën e jashtme për të marrë vota brenda vendit.

“Sot, ne jemi në një proces ku thellohet gjithnjë e më shumë dhe në një formë gjithmonë e më shqetësuese, qasja ndaj politikës së jashtme, si politikë e brendshme dhe shfrytëzimi i platformave të komunikimit jashtë si tribuna për të marrë vota këtu. Kjo, patjetër që mund të ketë sukses elektoral, po kjo e lë Kosovën me gjithmonë e më pak besim nga ana e miqve dhe aleatëve të vet ndërkombëtar dhe në këndvështrimin tim, – meqë jemi sot për Ibrahim Rugovën, – nëse Kosova do të dilte nga kjo lojë “macja me miun” në tryezë me Serbinë dhe me një ekip uniteti do t’i drejtohej Bashkimit Evropian duke thënë “ne nuk duam të flasim më me Serbinë se nuk kemi më çfarë flasim, ne jemi këtu për të folur me Bashkimin Evropian, për të përmbushur të gjitha detyrimet që kemi ne si Republikë e Kosovës në kontekstin e standardeve ndërkombëtare dhe të standardeve të Bashkimit Evropian dhe për t’u afruar me ju”, theksoi ai.  

Sipas tij, “Pastaj, se çfarë bën Serbia është puna e Serbisë, shkoni e merruni me Serbinë”, po ky konfrontimi “macja me miun” në tavolinë, këto mbledhjet për t’u mbyllur brenda me orë, vetëm për të dalë pas mbledhjes për të thënë se sa fort i qëndrova unë tjetrit, në mënyrë të dyanshme kuptohet, këto nuk të çojnë asgjëkund”.

Ai ka thënë se Serbia mund të mos dojë kurrë që t’i qaset idesë se duhet të njohë Kosovën.

Rama ndër të tjera ka thënë se krisja e raporteve në mes Kosovës dhe aleatëve ndërkombëtar, herët a vonë do të jetë i kushtueshme.

Lajmi i plotë në sistemin me parapagim...

Analistët vlerësojnë se raportet mes dy kryeministrave të Kosovës Albin Kurti dhe kryeministrit të Shqipërisë duket se nuk kanë lëvizur pozitivisht.