Ministrja e Drejtësisë, Albulena Haxhiu ka kohë që ka nis reformat në sistemin e drejtësisë, megjithatë qytetarët mendojnë se këto përpjekje të saja, kanë dështuar.

KosovaPress ka realizuar një anketë me temë “A ka dështuar ministrja Haxhiu në reformimin e sistemit të drejtësisë?”, në të cilën janë 38 persona që mendojnë se ministrja Haxhiu ka dështuar. Kurse, 33 të tjerë mendojnë se ajo po kryen këtë proces me sukses. Ndërkohë 8 të tjerë, kanë thënë se nuk e dinë.

Përndryshe, mospajtime për reformën në drejtësi kanë dal në pah me akuza e kundër akuza në mes ministrisë në njërën anë dhe Këshillit Prokurorial të Kosovës dhe Këshillit Gjyqësor të Kosovës në anën tjetër. Lidhur me këto mospajtime kanë reaguar edhe opozita dhe bashkësia ndërkombëtare. Këta të fundit u kanë bërë ftesë ministrisë dhe përfaqësuesve të gjyqësorit e prokurorisë që të bashkëpunojnë për të ecur tutje reforma.

https://kosovapress.com/polls?id=23