Reshjet e dendura të shiut kanë prekur 800 familje në provincën Amran të kontrolluar nga Houthi në Jemenin verior, njoftuan sot Kombet e Bashkuara.

Komisionari i Lartë i OKB-së për Refugjatët (UNHCR) tha se shirat e rrëmbyeshëm goditën zonën Qaflah në provincë "duke shkaktuar dëme të rënda".

“300 familje në vendet e personave të zhvendosur brenda vendit dhe 500 familje jashtë të prekura”, shkroi UNHCR në rrjetin social X.

UNHCR tha se po koordinon me partnerët "për t'iu përgjigjur nevojave të menjëhershme, si ushqim, NFI (artikuj jo ushqimorë), komplete higjienike, ujë të pastër dhe zhvendosje të përkohshme.

Ditët e fundit, përmbytjet e shpejta kanë goditur disa provinca në Jemenin verior, duke përfshirë Amranin dhe Saada, duke çuar në humbje të konsiderueshme.

Infrastruktura e dobësuar rëndë e Jemenit ka përkeqësuar ndikimin e përmbytjeve, duke rritur vuajtjet e popullsisë që tashmë përballon shërbimet e brishta bazë për shkak të gati nëntë vjet të konfliktit të vazhdueshëm në vend. /AA