Kryetarja e Dhomës së Ulët të Parlamentit francez paralajmëroi sot një rrezik të madh nëse votimi i mosbesimit ndaj qeverisë së kryeministrit Francois Bayrou rezulton i suksesshëm, pasi kjo do të kishte një ndikim të rëndësishëm në segmente të ndryshme, siç është buxheti.

Politikanët nga partia e ekstremit të majtë Franca e Pamposhtur (LFI), të Gjelbrit dhe Partia Komuniste paraqitën një mocion mosbesimi ndaj qeverisë së pakicës së Bayrou. Paqëndrueshmëria politike në Francë, e cila ndryshoi katër kryeministra vitin e kaluar, ka tronditur tregjet.

Bayrou ka të ngjarë t'i mbijetojë votimit për momentin, por humbja e mbështetjes së Partisë Socialiste të qendrës së majtë, veçanërisht pas lëshimeve në reformën e arsimit dhe pensioneve, do të ishte një goditje e madhe.

"Ne kemi një buxhet dhe ky është prioriteti ynë. Sot, ne të gjithë duhet të tregojmë solidaritet dhe të kapërcejmë dallimet tona në mënyrë që vendi të ecë përpara dhe që ne të jemi në gjendje t'i përgjigjemi çështjeve me rëndësi të madhe”, tha ," tha kryetarja e parlamentit Yael Braun-Pivet për TF1 TV.

Kreu socialist Olivier Faure tha se premtimi i Bayrou për të rihapur negociatat mbi reformën e pensioneve nuk ishte i mjaftueshëm, duke shtuar se partia do të mbështeste një votë mosbesimi nëse nuk do të kishte përgjigje të qartë ndaj kërkesave të tyre.

Braun-Pivet tha se nëse miratohet mocioni i mosbesimit, Franca nuk do të jetë në gjendje të shtyjë as projektligjin e bujqësisë, as një projektligj të veçantë për Mayotte, një territor francez jashtë shtetit që u godit nga një ciklon muajin e kaluar. Debati për votimin e mosbesimit do të mbahet pasditen e së enjtes.