Shoqata Sindikale “Siguria Fizike” në KEK kanë protestuar të hënën para zyrave të kësaj korporate në Prishtinë. Ata kanë kërkuar kthimin si punëtorë të KEK-ut dhe jo të tenderohen vazhdimisht siç theksuan jashtëligjshëm në sektorin privat.

Kryetari i kësaj shoqate, Nexhat Murati  tha se do të mbajnë grevë me datën 13 nëntor, pasi që sipas tyre janë informuar që KEK-u së shpejti do të shpall tenderë të tjerë në mënyrë të paligjshme.Ai theksoi se do të mbajnë grevën nën tendë para zyrave të KEK-ut.

Për më tepër, kryetari i Sigurimit fizik të KEK-ut Nexhat Murati ka përmendur me emër zyrtarët e KEK-ut lidhur tenderët. Ai tha se Imer Dragusha po shpallë tenderë të paligjshme për përfitime të tij personale, e ai do të dalë në pension për një javë.

Njëri nga organizatorët, Astrit Berisha tha për KosovaPress se protestuesit po kërkojnë të drejtat e tyre dhe sipas tij do t’i thonë stop padrejtësisë “boll janë tall me neve, edhe ne kemi fëmijë’./A. Shala/