PSG nis sulmin për pasuesin e Mbappes
Paris St Germain do të shqyrtojë një lëvizje për Marcus Rashford këtë verë. Kuptohet se gjigantët francezë mund të rrisin interesin e tyre nëse marrin inkurajim që ylli i Manchester United është i hapur për lëvizje.
PSG ka qenë prej kohësh admirues i Rashford dhe mund të tentojë një lëvizje duke pasur parasysh të ardhmen e tij të pasigurt në “Old Trafford”. Ndërsa Man United nuk po kërkon në mënyrë aktive të shesë sulmuesin, “Djajtë e Kuq” mund të jenë të hapur ndaj një oferte të mirë për të ndihmuar në mbledhjen e fondeve për nënshkrime të reja.
Rashford pati një sezon zhgënjyes me vetëm tetë gola në të gjitha garat. Me Erik ten Hag të vendosur për të qëndruar në klub, mbetet për t'u parë se çfarë roli do të luajë në sezonin e ardhshëm, përcjellë KosovaPress.
Kjo mungesë e formës i kushtoi atij me një vend në skuadrën e Anglisë për Euro 2024 me Anthony Gordon, Cole Palmer dhe Eberechi Eze që e kaluan atë në rendin e parë nën drejtimin e Gareth Southgate, raporton ‘talkSport’.
Paris Saint-Germain po përballet me një verë të rëndësishme teksa përgatitet për jetën pas Kylian Mbappe .Sulmuesi francez ka përfunduar një transferim te Real Madrid.
