Në Francë ka një alarm sigurie për ndeshjen e Ligës së Kampionëve mes Paris Saint Germain dhe Milanit të planifikuar për nesër në mbrëmje në “Parc des Princes” në Paris.

Sipas asaj që raporton “L'Equipe”, Divizioni Kombëtar për Luftën kundër Mbështetjes së Dhunshme e ka klasifikuar ndeshjen si rrezik të nivelit të tretë dhe kjo do të thotë se autoritetet kanë frikë nga problemet që mund të shkaktohen në rendin publik, përcjellë KosovaPress.

“Nuk ka konflikte të veçanta mes tifozëve të dy klubeve, por prania e napolitanëve, të ftuar nga Collettivo Ultras Parigi (CUP) dhe që kanë pak vlerësim për tifozët milanez, zgjon vëmendjen e autoriteteve publike”, raporton ‘L.Equipe’, sipas të cilës do të ishte gjithashtu shqetësues konteksti ndërkombëtar, me PSG-në që ka frikë se flamujt palestinezë do të valëviten në tribuna.