Protesta kundër shtrenjtimit të rrymës përmes FOTOGRAFIVE
Lexohet për: 2 min.
2 vite më parë
Linku u kopjua
Qindra qytetarë iu bashkuan protestës së Partisë Socialdemokrate (PSD).
“Ju e rrisni çmimin, ne rezistencën” , “Ndryshimi i madh veç n’faturë t’rrymës”, “Krejt dhe padrejtë”, ”Krejt dhe shtrenjtë” “Krejt rroga n’rrymë”, “Albin mashtruesi”, janë disa nga pankartat që protestuesit mbanin në duar teksa ecnin nëpër sheshin “Zahir Pajaziti” e për tu ndalur tek objekti i Qeverisë së Kosovës.
Teksa përshkonin rrugën për tek objekti i qeverisë, protestë kjo që në krye kishte kryetarin e PSD-së, Dardan Molliqaj, ata brohoritën “Albin rrenci”, “Albin hajni”.
Me të arritur tek objekti organizatorët dhe protestuesit hasën në rezistencën e policisë, pasi që këta të fundit nuk lejonin që fjalimi të mbahet nga shkallët e hyrjes së kësaj ndërtese.
Aty u pa edhe njësia speciale.
Pas rezistencës, me një “marrëveshje” polici dhe protestues, organizatorët u lejuan ta mbanin fjalimin, nga ku Molliqaj e quajti frikacak kryeministrin e Kosovës, Albin Kurti.
