Propozohet që ish-Sekretari i MPJD-së të intervistohet nga Komisioni Hetimor
Lexohet për: 2 min.
6 muaj më parë
Linku u kopjua
Në Komisionin Hetimor Parlamentar lidhur me nivelin e menaxhimit të marrëdhënies së punës të anëtarëve të Shërbimit të Jashtëm dhe zyrtarëve të Ministrisë së Punëve të Jashtme dhe Diasporës, është propozuar ish-sekretari i Ministrisë së punëve të Jashtme dhe Diasporës, Behar Isma që të intervistohet i pari nga ky komision, të premten me 5 korrik në ora 10:00.
Në këtë mbledhje, gjithashtu, u kërkua që të procedohet edhe lista me detyra ndaj tre ekspertëve, emrat e të cilëve janë miratuar në mbledhjen e kaluar të komisionit, Gëzim Kolgeci, Shpend Shabani dhe Shkëlqim Jakupi.
Isma është propozuar nga deputetja e VV-së, Arbëresha Kryeziu-Hyseni.
Ndërsa, deputetja nga LDK-ja, Vlora Dumoshi ka propozuar që në ditë të jenë nga tre dëshmitarë prezent në komision, ndërsa ekspertët të ftohen në takim për t’u njoftuar me ta.
Po ashtu, deputeti nga VV-ja, Haxhi Avdyli ka theksuar që Isma ka shumë për të dëshmuar.
Kurse, nga sot do të bëhet analiza e materialit për dëshmitarët. /A. Shala/
