Infeksioni nga lia e majmunit u regjistrua edhe te një qen, i cili e mori virusin nga pronarët e tij, njoftoi Organizata Botërore e Shëndetësisë.

Ky është rasti i parë i transmetimit të virusit nga njeriu te një kafshë shtëpiake dhe ekspertët theksojnë rëndësinë e izolimit nga kafshët shtëpiake në rast infektimi, raporton BBC.

Transmetimi i virusit nga njeriu te qeni, u regjistrua në Paris dhe plagët në trupat e kafshëve u vëzhguan 12 ditë pasi pronarët kishin simptoma, raportoi revista “Lancet”.

Analiza gjenetike tregoi se virusi i izoluar nga qeni ishte identik me atë të dy burrave nga ajo familje. Raporti thotë se burrat thanë se qeni flinte me ta në shtrat.

Mike Ryan, drejtor i programit shëndetësor emergjent në OBSH, tha se ky zhvillim nuk ishte i papritur.

"Ajo që ne nuk duam të shohim është se sëmundja lëviz nga një specie në tjetrën, dhe më pas qëndrimi në atë specie lëviz në tjetrën, sepse kjo do të thotë se virusi po përshtatet me speciet e reja në mënyrë që ai lloj evolucioni të inkurajohet,"tha Ryan.

Virusi i lisë së majmunit ka treguar aftësinë për të infektuar një sërë gjitarësh: ketrat, minjtë, bufat, majmunët dhe natyrisht - njerëzit.

Ekspertët thonë se deri më tani nuk ka asnjë provë që qentë mund të transmetojnë virusin e lisë së majmunit te qentë e tjerë apo te njerëzit.

Lia e majmunit transmetohet nga kontakti i afërt lëkurë me lëkurë, por edhe nga kontakti me pëlhurën (veshje, shtrat, peshqirë) të përdorura nga një person i infektuar.

Rreth 35.000 raste të lisë së majit janë regjistruar në mbarë botën, numri më i madh në Evropë dhe Shtatë dhe Amerikën e Jugut. Janë regjistruar 12 vdekje të lidhura me infeksionin.